Գերծանր սև խոռոչները ճնշել են մյուսների կազմավորումը
Գիտություն և Մշակույթ
Աստղագետներն առաջարկել են Տիեզերքի սկզբնավորման արշալույսին սև խոռոչների քանակի կարգավորման հնարավոր մի մեխանիզմ, որը բացատրում է դրանց զանգվածների անսովոր բաշխումը։ Գիտնականների հոդվածը դեռևս չի ընդունվել տպագրության, սակայն դրա առանձնատիպը տեղակայված է Քորնելի համալսարանի արխիվում, իսկ համառոտ բովանդակությունը ներկայացնում է Phys.org-ը։
Հեղինակները փորձում են բացատրել այն տեսական փաստը, որ Տիեզերքում գոյություն ունի գերծանր և միջանկյալ զանգվածներով սև խոռոչների համեմատաբար սակավ քանակ, որոնցից առաջինները զգալիորեն ավելի քիչ են, քան կարելի էր ենթադրել ըստ դրանց կազմավորման առկա տեսությունների կանխատեսումների։
Աստղաֆիզիկոսները գտնում են, որ առաջին սև խոռոչների ի հայտ գալուց հետո զանգվածի կուտակման գործընթացի արագությունը նվազել է, և առաջարկում են նման դանդաղեցումը բացատրող մեխանիզմ։
Հետազոտողների կարծիքով, առաջին սև խոռոչների կազմավորումից հետո զանգվածի կուտակումը գնացել է բավականին արագ, ինչը հանգեցրել է Տիեզերքում ռենտգենյան ճառագայթման (որն առաջ է գալիս նյութի՝ սև խոռոչին ընկնելու արդյունքում) կտրուկ աճի, որն էլ իր հերթին տաքացրել է միջաստղային նյութը։ Վերջինս սև խոռոչների համար այնքան էլ հարմար «վառելիք» չէ, որքան սառը նյութը, այդ պատճառով էլ խոռոչների զանգվածի աճը ժամանակի ընթացքում դանդաղել է։
Այսպիսով, ռենտգենյան ճառագայթումը և միջաստղային նյութի տաքացումը եղել են այն հակադարձ կապը, որը հավաասրակշռել է գերծանր սև խոռոչների թվի աճը և հանգեցրել դրանց՝ ներկայումս կանխատեսվող քանակին։
Վերջերս աստաֆիզիկոսները, վերլուծելով «Չանդրա» դիտակով ստացված պատկերները, եկել են այն եզրակացության, որ գալակտիկաների կազմավորման ընթացքում հնարավոր է գերծանր սև խոռոչների արտամղում-արտանետում դեպի միջգալակտիկական տարածություն։ Եթե գիտնականների դիտարկումները ճիշտ են, դա կարող է վկայել թափառող գերծանր սև խոռոչների գոյության մասին։
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
