Նոբելյան մրցանակի չափը կրճատվել է 20%-ով

Նոբելյան մրցանակակիրների ստացած դրամական պարգևատրումը կկրճատվի, ասվում է Նոբելյան ֆոնդի կայքում տեղադրված հաղորդագրության մեջ։ Այս որոշումը տնօրենների խորհուրդը ընդունել է երկուշաբթի, հունիսի 11-ին։

Մրցանակի չափը կկրճատվի 20%-ով։ Այսպիսով, մրցանակակիրներն ապագայում կստանան 1.1 միլիոն դոլար 1.4 միլիոնի փոխարեն։

Այս որոշումը խորհուրդը բացատրում է տնտեսական ճգնաժամով։ Հայտարարության մեջ ընդգծվում է, որ վերջին տարիներին համաշխարհային տնտեսությունում խնդիրների առկայության պատճառով ներդրումներն ավելի պակաս են, քան ծախսերը՝ կոմիտեի գործունեության և մրցանակաբաշխության համար նախատեսված միջոցները։

Վերոնշյալ արդյունքում որոշվել է նաև կրճատել մրցանակաբաշխությունների հանդիսավոր արարողությունների ծախսերը։

Նոբելյան մրցանակը հիմնվել է 1985 թվականի նոյեմբերի 27-ին՝ համաձայն գյուտարար Ալֆրեդ Նոբելի կտակի։ Այն տրվում է մշակույթի և հասարակության զարգացման գործում նշանակալի նվաճումների համար (հանձվում է վեց մրցակարգերում)։ Մրցանակակիրները ստանում են դիպլոմ, մեդալ և դրամական պարգևատրում։