Երկնաքարերից պաշտպանվելու համար կօգտագործեն տիեզերական լազերներ

Երկրագունդը երկնաքարերից պաշտպանելու համար գիտնականներն առաջարկել են ուղեծիր բաց թողնել բազմաթիվ արբանյակներ՝ դրանց վրա տեղակայելով արեգակնային մարտկոցներով լազերներ։ Նախագծողների մտահղացմամբ, լազերները պիտի փոփոխեն վտանգավոր երկնային մարմինների ուղեծրերը՝ գոլորշիացնելով դրանց մակերևութային նյութի մի մասը։ Հոդվածն ընդունվել է տպագրության Advances in Space Research պարբերականում, որի առանձնատիպը հասանելի է Քորնելի համալսարանի կայքում։ Այն ներկայացնում է Technology Review բլոգը։

Երկնաքարերի ուղեծրերի փոփոխության համար գիտնականներն առաջարկում են կիրառել գոլորշիացման կամ սուբլիմացիայի միջոցով պինդ մարմնի մակերևույթից նյութի հեռացման՝ լազերային գոլորշիացման (աբլացիայի) տեխնոլոգիան։ Ենթադրվում է, որ բազմաթիվ լազերային ճառագայթներ երկնաքարի մի կողմում կենտրոնացնելով՝ կարելի է նյութի հասնել նյութի պայթյունաձև գոլորշիացման, ինչը կարող է երկնային մարմնին անհրաժեշտ ուղղությամբ իմպուլս հաղորդել։

Առաջ համարվում էր, որ անհրաժեշտ իմպուլսի գեներացիայի համար կպահանջվի միջուկային աղբյուրից սնվող գերհզոր լազեր, որի ստեղծումն ու դուրսբերումն ուղեծիր ուղեկցվում է բազմաթիվ բարդություններով։ Օրինակ, նման լազերը կլինի շատ ծանր և, բացի այդ, կարիք կունենա հովացման բացառիկ բարդ համակարգի։

Ներկա շախատանքում հեղինակները փաստարկեն են բերում առ այն, որ մեկ գերծանր լազերի փոխարեն բազմաթիվ լազերների կիրառությունն ավելի ռացիոնալ է, քանի որ օժանդակ համակարգերի բաժինը դրանցում ավելի քիչ կլինի, ինչն առաջին հերթին բացարվում է ավելի պարզ հովացման համակարգերի գուրմարային քաշի ավելի նվազ ցուցանիշով, ապա՝ միջուկային վառելիքի փոխարեն արեգակնային էներգիայով դրանք մատակարարելու նպատակահարմարությամբ։

Ավելի վաղ չինացի գիտնականներն առաջարկել էին երկնաքարերի ուզեծրերի փոփոխության համար օգտագործել արեգակնային առագաստներով տիեզերական սարքեր։ Վերջիններս սարքերին արագացում հաղորդելու համար օգտագործում են արեգակնային քամու էներգիան։ Բախվելով երկնաքարին՝ սարքը դրան կհաղորդի ուղեծիրն անվտանգ տիրույթ տեղափոխելու համար անհրաժեշտ իմպուլս։

Ապոֆիս աստերոիդը, որը մեթոդի ստուգման համար տվյալ պահին ամենամեծ հետաքրքրությունն է առաջացնում, Երկրագնդի կողքով է անցնելու 2029 թվականին, ինչից հետո հնարավոր է՝ վերադառնա 2036-ին։ Երնային մարմնի տրամագիծը 270 մետր է, զանգվածը՝ 27 միլիոն տոննա։ Բախման հավանականությունը շատ փոքր է, սակայն չի բացառվում նախնական տվյալների հնարավոր սխալների հետևանքով։