«Հայկական ժամանակ». Դատախազն էլ

««Իհարկե՝ այո՛»,- այսպես պատասխանեց ՀՀ գլխ. Դատախազ Աղվան Հովսեփյանի խոսնակ Սոնա Տռուզյանը մեր հարցին, թե՝ ուժի մե՞ջ է իր հայտարարությունը, որ Հովսեփյանը պաշտոնավարելու է մինչև 2013-ը՝ իր լիազորությունների ավարտը։

Տեղեկություններ կան սակայն, որ Հովսեփյանն արդեն գրել է հրաժարականի դիմումը, ներկայացրել Սերժ Սարգսյանին, և դրա մասին կհայտարարվի ավելի ուշ։ «Սուտ է»,- այդ տեղեկության կապակցությամբ ասաց Սոնա Տռուզյանը։ Այնինչ, իշխանական խոհանոցում արդեն նշվում է ՀՀ նոր գլխավոր դատախազի անունը։ Ըստ որոշ տեղեկությունների, Աղվան Հովսեփյանին պետք է փոխարինի ԱԽՔ Արթուր Բաղդասարյանը։ Վերջինիս անունը այդ պոստի համար հոլովվում է դեռ վաղուց։ Բայց այս ընթացքում Սերժ Սարգսյանին չէր հաջողվում Հովսեփյանից հրաժարականի դիմում կորզել։ Ենթադրվում է, որ աղմկոտ հրաժարականների նոր փուլը կարող է սկսվել եկող շաբաթվանից. ՀՀԿ վերնախավը երեկ իզուր չէր երկուսուկես ժամ առանձնացել փակ դռների ետևում։ Համենայնդեպս, մինչև Ամանոր իշխանության ներսում լուրջ վերադասավորումներ են սպասվում։ Այս իմաստով սկզբունքային է մնում գլխավոր դատախազի, Վճռաբեկ դատարանի նախագահի և Տավուշի, Սյունիքի, Արմավիրի,Կոտայքի մարզպետների հարցը»,- գրում է «Հայկական ժամանակը»։