Բելառուսում վթարի է ենթարկվել Су-25 ինքնաթիռը. օդաչուն զոհվել է

Բելառուսի Նովոգռուդսկայա շրջանում վթարի է ենթարկվել Су-25 ռազմական ինքնաթիռը։ Վթարի հետևանքով օդաչուն զոհվել է։ Այս մասին հաղորդում են տեղի ԶԼՄ-ները՝ հղում անելով Բելառուսի պաշտպանության նախարարությանը։

«Ինքնաթիռը վթարի է ենթարկվել ավիացիոն պոլիգոնի տարածքում պլանային թռիչքներ կատարելու ժամանակ։ Թռիչքի ընթացքում կատարելագործվում էր թռիչքի տեխնիկան և օդային նավիգացիան՝ ցածր և սահմանային ցածր բարձրությունների վրա»,– ասված է Բելառուսի պաշտպանության նախարարություն տարածած հաղորդագրության մեջ։