«Չորրորդ ինքնիշխանություն». Խուլ հակասություններ Կարեն Կարապետյանի և Մաքսիմ Հակոբյանի միջև

«ՉԻ» տեղեկությունների համաձայն՝ տևական ժամանակ է, ինչ խուլ հակասությունների մեջ են «Զանգեգուրի Պղնձամոլիբդենային Կոմբինատ» ՓԲԸ-ում 12,5-ական բաժնետոմսեր ունեցող «Զանգեգուր Մայնինգ» և «Արմենիա Մոլիբդեն Փրոդաքշրն» ընկերությունները: Նշված ընկերությունների «փայատերեր» Կարեն Կարապետյանի և Մաքսիմ Հակոբյանի միջև տարաձայնություններ են աոաջացել հիմնականում համաշխարհային ֆինանսատնտեսական ճգնաժամի ֆոնի վրա' կապված մոլիբդենի արտադրության ու վաճաոքի ցուցանիշների հետ: Ասում են, երկու գործարարների շահերը բախվել են նաև արտահանման ծավալների շուրջ, որոնց արտադրանքի 80 տոկոսը արտահանվում է Եվրոպա, իսկ 20 տոկոսը' Ասիա:

Ի դեպ՝ «Արմենիա Փրոդաքշրնի» տնօրեն Կարեն Կարապետյանն, որը նախկինում իրավապահ համակարգում է աշխատել, շատ ջերմ հարաբերությունների մեջ է ՀՀ վարչապետ Տիգրան Սարգսյանի հետ: Եվ պատահական չէ, որ այս կազմակերպությունում վարչապետի ազգականներից մեկը շատ լուրջ պաշտոն է զբաղեցնում: Դե իսկ ահա Մաքսիմ Հակոբյանի ունեցած կապերի մասին խոսելն անգամ ավելորդ է, քանի որ հարց է, թե նա ում հետ «լավ» չէ, բացի Սյունյաց մարզպետ Սուրեն Խաչատրյանից: Ինչևէ, երկու գործարարների միջև ստեղծված լարվածության շուրջ «ՉԻ»-ին հաջողվել է մեկնաբանություն ստանալ միայն Կարեն Կարապետյանից, որն էլ թերթի հարցին ի պատասխան արձագանքել է. «Վայ, չէ, չէ, ի՞նչ տարաձայնություն, ինչ բան, տենց բան չկա: Ախր, էտ որտեղից են տենց բաները գալիս ձեզ հասնում, տենց բաներ մի արեք, մի գրեք, մեզ խայտառակ մի արեք»: