Հայտարարվել է Mac OS X համակարգի նոր տարբերակի թողարկման ժամկետը

Mac OS X Mountain Lion օպերացիոն համակարգը (ՕՀ) կթողարկվի 2012 թվականի հուլիսին, WWDC համաժողովի ժամանակ հայտնել համակարգի մշակող Apple ընկերությունը։

Գնել այն հնարավոր կլինի Mac App Store ինտերնետային խանութների ցանցով։ Նրանք, ում Mac-երն աշխատում են ՕՀ-ի նախորդ տարբերակներով (Lion և Snow Leopard), ծրագիրը կկարողանան հայթհայթել 19.99$-ով, իսկ ով ձեռք կբերի այս համակարգիչը 2012-ի հունիսի 11-ից հետո, իր համակարգը կթարմացնի անվճար։

Mac OS X Mountain Lion-ի նվազագույն պահանջներն են՝ 2GB օպերատիվ հիշողություն և կոշտ կրիչի 8GB ազատ տեղ։

Նոր ՕՀ-ն ազդարարվել էր դեռ փետրվար ամսին։ Այն ներառում է iChat ծրագրին փոխարինող Messages համակարգը, Games Center խաղային սոցցանցը, հաղորդագրությունների կենտրոն, համակարգչի անվտանգության Gatekeeper գործիքը և այլն ֆունկցիաներ։

Retina էկրանով 3-րդ սերնդի MacBook Pro և MacBook Air համակարգիչները թարմացումները կստանան «քնած» ռեժիմում այս համակարգում ընդգրկված Power Nap գործիքի միջոցով, որը կարգավորվում է iCloud սերվիսի օգնությամբ։