Apple-ը ներկայացրել է Retina էկրանով նոր Mac-երը

Հունիսի 11-ին Apple ընկերությունը WWDC համաժողովի ընթացքում ներկայացրել է Retina էկրանով նոր MacBook Pro բարակ նոթբուքը։

Այն ունի 2 կիլոգրամ քաշ և 1.8 սանտիմետր հաստություն։ Էկրանի տրամագիծը կազմում է 15.4 մատնաչափ, լուծունակությունը՝ 2880x1800 կետ, պիքսելների խտությունը՝ 220 միավոր մեկ մատնաչափի վրա։

Նոթբուքում ներդրված են մինչև 2.7 GHz արագագործությամբ (Turbo Boost ռեժիմում՝ մինչև 3.7 GHz) նոր սերնդի Ivy Brigde - Intel Core i5 և i7 պրոցեսորներ և GeForce GT 650 M տեսաքարտեր։ Օպերատիվ հիշողության ծավալը կազմում է 16 GB, իսկ մշտական հիշողությունը՝ 768 GB (ֆլեշ-հիշողություն)։

Նախատեսված է SD մուտք և HDMI, USB 3.0, Thunderbolt, MagSafe պորտեր, լուսավորվող ստեղնաշար, Multitouch ֆունկցիայով Trackpad։

Այն կարող է առանց լիցքավորման աշխատել 7 ժամ, իսկ սպասող ռեժիմում ունակ է մնալ մոտ մեկ ամիս։ Այս սարքի գինը կկազմի $2199։