Կարիեսը դիմածնոտային անոմալիայի բերող ամենատարածված հիվանդությունն է. բժիշկ-օրթոդենտ

Ես հեռու եմ այն մտքից, որ պետք է մանկական ատամնաբուժության վիճակը գնահատել տագնապալի, բայց ատամնանբուժությունը շատ անելիք ունի այն վերահսկեու համար։ Այս մասին այսօր լրագրողների հետ հանդիպմանն ասաց «Սոնատո» ատամնաբուժարանի տնօրեն, բ.գ.դ, բժիշկ-օրթոդենտ Արթուր Փափազյանը։

Նա նշեց, որ դիմածնոտային, մանկուց թեք ու հիվանդ ատամների խնդիրների պատճառները բազմաթիվ են, բայց նշեց նաև, որ մանկական ատամնաբույժների ճիշտ քայլերը շատ կարևոր են երեխաների համար։

«Կան բազմաթիվ տեսություններ, ըստ որոնց դիմածնոտային խնդիրների, ինչպես նաև կարիեսի առաջացաման գործում մեծ դեր ունեն էկոլոգիական խնդիրները և օգտագործվող սննդի միկրոէլեմենտները և այլն։ Այս ոլորտում մանկանական ստամատոլոգները շատ անելիքներ ունեն, այն կանխելու համար անհրաժեշտ է տարբեր օղակների համատեղ աշխատանք Առողջապահության Նախարարության հետ միասին։ Օրինակ, Սկանդինավյան երկրներում բավական երկար ժամանակ են պայքարել, և այնտեղ արդյունքներն արդեն կան»,– ասաց նա։

Անդրադառնալով հարցին, թե որքանով է մեծ հիվանդությունների ժառանգական փոխանցումը՝ բժիշկ-օրթոդենտը նշեց, որ դրա դերը ևս բավականին մեծ է։

«Նույնիսկ մանրուք թվացող հարցերն արդեն իսկ մեծ դեր են ունենում, եթե մանուկների մոտ առկա է «կարիես ու իր բարդությունները» հիվանդությունը, որը կարող է առաջանալ սկսած մոր հղիությունից։ Կարիեսը դիմածնոտային անոմալիայի բերող ամենատարածված հիվանդությունն է։ Նույնիսկ ատամների խիտ դասավորությունները կանխարգելելու համար անհաժեշտ է նախ բուժել կարիեսը։

Փափազյանը նշեց նաև, որ այս հարցում նկատվում է ծնողների մտահոգվածության աճ, ինչն էլ բերում է նրան, որ անգամ չնչին խնդրով ծնողը հետաքրքրվում է և հիվանդությունը Ժամանակին կանխարգելում են։

Բանախոսը նշեց նաև, որ դիմելիությունը բարձր է հատկապես «Կարիեսը և նրա բարդությունները» հիվանդության հետ կապված։ Բժիշկ-օրթոդենտի կարծիքով, մանկական ատամնաբույժիի աշխատանքը բավական ծանր է, և ուսանողների շատ քիչ մասն է ցանկանում դառնալ մանկական ատամնաբույժ։

«Մանկական ատամնաբուժությունը պետք է աջակցություն ունենա։ Այստեղ կա և՛ հոգեբանական, և՛ մասնագիտական կողմ»,– ասաց նա։