Ադրբեջանցիների հաքերային հարձակումը հայկական կայքերի վրա քաղաքական ենթատեքստ ունի. Սամվել Մարտիրոսյան
Մեդիա
Այսօր հայկական մի քանի կայքերի վրա հաքերային հարձակումներ են իրականացվել ինչպես ադրբեջանական, այնպես էլ թուրքական կողմերից: Այս մասին Լուրեր.com-ի հետ զրույցում ասաց տեղեկատվական անվտանգության հարցերով փորձագետ Սամվել Մարտիրոսյանը՝ հավելելով, որ ադրբեջանցիների կողմից հարձակումը քաղաքական ենթատեքստ ունի:
«Կայքերի վրա տեղադրվել են վերջին շրջանում շփման գծի վրա ընդհարումների ժամանակ զոհված հինգ հոգու նկարներն ու, չգիտես ինչու, չինարեն տեքստ են գրել»,- նշեց նա:
Մարտիրոսյանի կարծիքով՝ բջջային օպերատոր «Բիլայնի» կայքը կոտրելը թուրք հաքերների համար «պրեստիժի» հարց է, քանի որ Հայաստանի տեղեկատվական տեխնոլոգիաների ոլորտի ամենամեծ կազմակերպություններից մեկի կայքը կոտրելը քիչ բան չէ:
«Կարող եմ կասկածել, որ նաև ուզել են ստանալ մուտք դեպի բաժանորդների տվյալների բազան, բայց «Բիլայնը» պաշտոնապես հերքեց այդ տեղեկությունը»,- նշեց նա:
Նշենք, որ այս պահին արդեն հասանելի են ինչպես «Բիլայնի», այնպես էլ «Արմենպրես» գործակալության կայքերը:
ՈՒՂԻՂ ԵԹԵՐ
Ամենադիտված 
Ջուր չի լինի երկար ժամանակ․ հասցեներ
