HTC-ն կգնի գրաֆիկական պրոցեսորների արտադրողին

HTC մոբիլ սարքերի արտադրողը հաստատել է գրաֆիկական պրոցեսորների արտադրող S3 Graphics ընկերությունը գնելու վերաբերյալ իր մտադրությունը, հայտնում է Focus Taiwan-ը։

Այն, որ գործարքը կկայանա, հայտնվել է HTC ընկերության բաժնետերերի տարեկան ժողովի ընթացքում ընկերության իրավաբան Գրեյս Լեյի կողմից։ Այս ձեռքբերման անհրաժեշտությունն, ըստ նրա, այն է, որ S3 Graphics-ն ունի լուրջ պատենտադարան. վերջինս գրանցել է 270 պատենտ, ընդ որում, դրանցից որոշներն օգտագործվում են Microsoft, Nintendo և Sony ընկերությունների կողմից։

S3 Graphics-ի ձեռքբերման ծրագրի մասին HTC ընկերությունը հայտարարել է 2011 թվականի հուլիսին։ Հայտնվում է, որ գործարքի արժեքը կազմել է 300 միլիոն դոլար։ Այդ պահին S3-ը Apple ընկերության հետ դատավարության ընթացքում էր, ինչը հարուցվել էր տեքստուրաների սեղմման տեխնոլոգիաների պատենտի խախտմամբ։

2011-ի նոյեմբերին ԱՄՆ-ի միջազգային առևտրի հանձնաժողովը որոշում էր կայացրել հօգուտ Apple ընկերության, ինչը նվազեցրել էր HTC ընկերության ցանկությունը գնել S3-ին։ Նշենք, որ HTC-ն ինքը 2010 թվականից պատենտային պատերազմի մեջ է Apple-ի հետ։

Հավանական է, որ գործարքից չհրաժարվել HTC-ն որոշել է Apple-ի նոր պատժամիջոցների ներմուծման արդյունքում։ Այսպես, ապրիլ ամսին ԱՄՆ-ում արգելվել է HTC One X և HTC EVO 4G LTE սարքերի ներմուծումը։ Ավելի ուշ արգելքը հանվել է, սակայն Apple-ը կրկին բողոքի հայց է ներկայացրել HTC ընկերության դեմ։

S3 Graphics ընկերության արտադրած գրաֆիկական քարտերը նախատեսված են առաջին հերթին նոութբուքների և ստացիոնար համակարգիչների համար, սակայն նրա մշակումները կիրառելի են նաև մոբիլ սարքերում, գրում է CNET News-ը։

S3 ընկերությունը հիմնադրվել է 1989 թվականին, S3 Graphics-ը՝ 2000 թվականին, երբ S3-ը վաճառել է իր ենթակառույցներից մեկը VIA ընկերությանը։