«Հայկական Ժամանակ». Կառավարությունը կօգնի՞ կարկուտից տուժած գյուղացիներին

Հայաստանի կառավարությունը դեռ չի որոշել՝ հանրապետության տարբեր բնակավայրերում տեղացած ուժգին կարկուտից տուժած գյուղացիներին, որոնք, իրենց բերքը կորցնելով, փաստի առաջ են հայտնվել, օգնություն տրամադրելու է, թե՝ ոչ:

Իհարկե, նախորդ տարիների փորձից ելնելով, կարկուտից տուժած գյուղացիները առանձնապես ակնկալիքներ չպետք է ունենան: Եթե անգամ ՀՀ կառավարությունը որոշի օգնել նրանց, ապա դա լինելու է մի քանի տուփ սերմի տեսքով: Անցած տարի կառավարությունը հենց այդպես էլ վարվեց Արմավիրի մարզի՝ կարկուտից տուժած երկու տասնյակից ավելի գյուղերի բնակիչների հետ: