«Հրապարակ». Բոլորս դեպի ՏԻՄ ընտրություններ

Սեպտեմբերին տեղի ունենալիք ՏԻՄ ընտրություններն իրենց ակտիվությամբ և մասնակցության մակարդակով չեն զիջելու խորհրդարանական ընտրություններին: Բոլոր կուսակցություններում և տեղական «բջիջներում» թիվ մեկ պատրաստվածության ռեժիմ է հայտարարված: Եթե առաջներում որևէ մեկը չէր կարևորում այդ «միջոցառումը», ապա այսօր գյուղական, մարզային համայնքներում կուսակցական-գրասենյակային ակտիվ «դվիժենի» է տիրում: Բոլորը հասկացել են, որ այդ ընտրությունները վճռորոշ են համապետական ընտրություններում հաղթելու առումով: Նախնական տվյալներով՝ բոլոր հայտնի կուսակցությունները թեկնածուների «պատրաստություն» են տեսնում, ինչն առաջին հերթին բացատրվում է առաջիկա նախագահական ընտրություններով: ՏԻՄ ընտրությունները կանցնեն երկու փուլով, սեպտեմբերի 9-ին՝ մարզերի մի մասում, 23-ին՝ մնացածում: Այսօրվա ՏԻՄ վիճակագրական պատկերը հետևյալն է. ՀՀ 915 համայնքներից 631-ում համայնքապետեր են ՀՀԿ-ականները, 74-ում՝ ԲՀԿ-ական-ները, 45-ում՝ դաշնակցականները, 22-ում՝ ՕԵԿ-ականները, երկու համայնքապետ ունի ՀՀՇ-ն, մեկական՝ ՄԱԿ-ը և կոմունիստները: