«Չորրորդ ինքնիշխանություն». Սուրեն Զոլյանն Արմեն Աշոտյանին համեմատել է ադրբեջանցի դիվերսանտների հետ

Բրյուսովի անվան լեզվաբանական համալսարանի նախկին ռեկտոր Սուրեն Զոլյանն Արմեն Աշոտյանին համեմատել է ադրբեջանցի դիվերսանտների հետ ու հայտարարել. թե նա նույնիսկ ավելի վտանգավոր է, որովհետև Երևանի կենտրոնում է գործում:

«ՉԻ».- Իհարկե, փոքր-ինչ դժվար է պատկերացնել Աշոտյանին՝ կամուֆլյաժը հագած ու թվանքն ուսին գցած, կամ Սուրեն Զոլյանին՝ թշնամու գրոհը ետ մղելիս, բայց եթե իրավիճակը գնահատենք այդ տեսանկյունից, ապա դիվերսիան հաջողվել է: Իսկ եթե «ադրբեջանական դիվերսիա» ասելով պրն Զոլյանը նկատի ուներ Հայաստանին վնաս հասցնելը, ապա պետք է նկատել, որ Երևանի կենտրոնում «դիվերսանտների» պակաս չկա (կառավարության շենքը քաղաքի կենտրոնում է), իսկ Արմեն Աշոտյանն ընդամենը կրտսեր սերժանտ է: Ընդ որում՝ դիվերսանտները բավականին հաջող գործողություններ են իրականացնում գրեթե առանց դիմադրության, բնակչությունն առայժմ անկանոն նահանջում է:

Ամեն դեպքում՝ կողմերին խորհուրդ կտայինք խնդիրը կարգավորել բացառապես խաղաղ բանակցությունների ճանապարհով: Իսկ Զոլյանն ու Աշոտյանը թող իրար մենամարտի հրավիրեին: