«Սերգեյ Փարաջանով» արծաթե հուշադրամ՝ «Աշխարհի հայտնի ռեժիսորները» դրամագիտական ծրագրի շրջանակում

Հայաստանի Հանրապետության կենտրոնական բանկը «Աշխարհի հայտնի ռեժիսորները» միջազգային դրամագիտական ծրագրի շրջանակում թողարկել է արծաթե հուշադրամ՝ նվիրված Սերգեյ Փարաջանովին:

Հուշադրամի դիմերեսի աջում պատկերված է Սերգեյ Փարաջանովի կոլաժից հատված, ձախ մասում Փարաջանովի դիմապատկերն է: Կենտրոնում կինոխցիկ է ամրակալանի վրա, որից աջ ճեղքված նուռ է, իսկ ձախ՝ դրամահատարանի առեւտրային նիշը: Ներքևում Հայաստանի Հանրապետության զինանշանն է և հուշադրամի անվանական արժեքը՝ «DRAM 100 ԴՐԱՄ»: Ձախում ուղղահայաց հայերեն, իսկ ներքևում հորիզոնական անգլերեն համապատասխանաբար մակագրված են՝ «ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ» և «REPUBLIC OF ARMENIA»: Վերևի աջում ուղղահայաց նշված է թողարկման տարեթիվը՝ «2012»:

Հուշադրամի դարձերեսի կենտրոնում Փարաջանովի դիմապատկերն է, որից վերև «SERGEI PARAJANOV» ոճավորված մակագրությունն է: Վերևի աջ անկյունում Փարաջանովի «Ֆաբերժեի հիշատակին» կոլաժից հատված է, իսկ դրանից ներքև՝ Փարաջանովի ինքնատիպ ստորագրությունը, որն ավարտվում է անսովոր կափարիչով. ռեժիսորը դրա վրա քերծելով գծել է Պուշկինի դիմանկարը: Ձախ կողմում ուղղահայաց մակագրված են Փարաջանովի ծննդյան և մահվան տարեթվերը՝ «1924–1990»:

Հուշադրամի ուրվագծերի հեղինակն է Ուրսուլա Վալեժակը: Հուշադրամը հատվել է Լեհաստանի դրամահատարանում:

Հուշադրամի բնութագիրը.

Անվանական արժեքը՝ 100 դրամ
Մետաղը եւ հարգը՝ արծաթ, 9250
Քաշը՝ 28,28 գ
Չափը՝ 28,0 x 40,0 մմ
Դրամաշուրթը՝ հարթ
Որակը՝ պրուֆ
Տպաքանակը՝ մինչեւ 5555 հատ