Մենք բազմազանության երթ կազմակերպելու մտադրություն չունենք. Մամիկոն Հովսեփյան
Հասարակություն
Մենք բազմազանության երթ կազմակերպելու մտադրություն չունենք: Այս մասին Լուրեր.com-ի հետ զրույցում ասաց «Հանրային տեղեկատվություն և գիտելիքի կարիք» հասարակական կազմակերպության նախագահ Մամիկոն Հովսեփյանը` մեկնաբանելով տարածված լուրերը, թե Երևանում կրկին բազմազանության երթ է անցկացվելու:
«Տեղյակ չենք, մեզ հետ կապ չունի, չգիտենք` ինչի մասին է խոսքը: Միգուցե իրականում ինչ-որ մեկը նման բան կազմակերպում է՝ մենք տեղյակ չենք, բայց հիմնականում դա մեդիամանիպուլյացիայի նման մի բան է»,- նշեց Մամիկոն Հովսեփյանը:
Մեր հարցին, թե ո՞ւմ է ձեռնտու նման տեղեկություններ տարածելը, Հովսեփյանը կարծիք հայտնեց, որ «դա ձեռնտու է կայքերին, որոնք գովազդի ու քլիքերի կարիք ունեն»:
Հիշեցնենք, Երեւանում մայիսի 21-ին մշակութային բազմազանության համաշխարհային օրվա առթիվ «Հանրային տեղեկատվություն և գիտելիքի կարիք» և «Կանանց ռեսուրսային կենտրոն» հասարակական կազմակերպությունները նախաձեռնել էին երթ, սակայն նրանց երթին միացան մի քանի տասնյակ երիտասարդներ ու խոչընդոտեցին երթի անցկացումը: Բախումներ եղան ոստիկանության հետ, իսկ ավելի ուշ կազմակերպիչները հայտարարեցին, որ այդ ամենը ապատեղեկատվության արդյունք էր, քանի որ սոցիալական ցանցերում ու լրատվամիջոցներում տեղեկություններ էին տարածվել, որ գեյ-շքերթ է անցկացվելու:
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
