Երաժշտությունը և մտավոր կարողությունները

Արդյոք գոյություն ունի՞ որևիցե կապ մտավոր կարողությունների և երաժշտություն լսելու միջև: Այս հարցը բազմաթիվ քննարկումների և ուսումնասիրությունների նյութ է դարձել:

ԱՄՆ-ի Օշկոշի համալսարանի հոգեբանության դասախոս Ֆրենս Ռոշերը պնդում է, որ օրական առնվազն տասը րոպե Մոցարտի որևէ մի ստեղծագործություն լսելը ժամանակավորապես բարձրացնում է մարդու մտավոր կարողությունները։

Այս ամենը կասկածի տակ դնելով՝ մեկ այլ գիտնական՝ Սյուզան Հալամը, 8000 երեխաների հետ գիտափորձում նրանց բաժանում է 3 խմբերի՝ մի խմբում դասում է այն երեխաներին, ովքեր լում են միայն Մոցարտի երաժշտությունը, հաջորդում՝ POP, երրորդում՝ տարբեր ոճի երաժշտություն լսող երեխաների: Արդյունքում նա որևիցե տարբերություն չի նկատում 3 խմբերի միջև՝ գալով այն եզրահանգման, որ պարտադիր չէ լսել միայն դասական երաժշտություն, որ մարդու մտավոր հմտությունները զարգանան, դա կախված է նրանից, թե ինչպես է երաժշտությունն ընկալվում տվյալ անհատի կողմից: Այդ նույն կերպ մարդու վրա նման ազդեցություն կարող են թողնել շախմատը, մաթեմատիկան և տարբեր երաժշտական գործիքներ նվագելը, սակայն ոչ մի գիտնական չի ժխտում այն փաստը, որ Մոցարտի երաժշտությունը առողջարար է մարդկանց համար. այն օգնում է դուրս գալ սթրեսից, կենտրոնանալ, այն հատկապես օգտակար է դեռ չծնված և նորածին երեխաների համար, ուստի գիտնականները խորհուրդ են տալիս հղի կանանց և կերակրող մայրերին շատ հաճախ լսել Մոցարտի այս ոչ սովորական, ինչ-որ իմաստով բուժիչ ստեղծագործությունները: