NASA-ն ուղեծիր է դուրս բերել ռենտգենյան աստղադիտարան

NASA-ն ուղեծիր է դուրս բերել տիեզերական NuSTAR (Nuclear Spectroscopic Telescope Array) ռենտգենյան աստղադիտարանը։ Այս իրադարձությունը հեռարձակվել է ուղիղ եթերում։

Սարքը մեկնարկել է Stargazer ինքնառիթի Pegasus կրող հրթիռով, որն այն դուրս կբերի հաշվարկային երկրակենտրոն սակավահեռ ուղեծիր (մոտ 550 կմ բարձրությամբ)։ Սարքի ծառայության ժամկետը 2 տարի է։

NuSTAR-ը տիեզերական աստղադիտակ է, որը կհետևի տիեզերական օբյեկտների ռենտգենյան ճառագայթմանը։ Այն հիմնականում կաշխատի 5-80 կԷվ (կիլոէլեկտրոնվոլտ) էներգիաների տիրույթում։ Դիտակի հայելին բաղկացած է 4680 մասերից և կոշտ ռենտգենյան տիրույթում ապահովում է աննախադեպ լուծունակություն («սրատեսություն»)։

Նշված տիպի ճառագայթման աղբյուրները հիմնականում գերծանր սև խոռոչների, քվազարների (գերհեռու գալակտիկաների ակտիվ միջուկների) ակրեցիոն սկավառակներն են։ Նախատեսվում է, որ դիտակի տվյալները կօգնեն պարզել գերնոր աստղերի պայթյունների ժաման այսպես կոչված R-պրոցեսի (Rapid neutron capture՝ արագ նեյտրոնների կլանման) ընթացքում ծանր տարրերի կազմավորման առանձնահատկություններն ու մանրամասները։

Դիտակի մշակումը սկսվել է 2005 թվականին, սակայն 2007-ին NASA-ի բյուջեի կրճատման հետևանքով այն սառեցվել էր։ Այս տարի, սակայն, գիտականները վերսկսել էին այս գիտառաքելության աշխատաքները։ Սարքի մենկարկը բազմակի անգամ հետաձգվել է, սակայն այժմ ամեն ինչ բարեհաջող կերպով ավարտված է։