Nokia ընկերությունն աշխատողների թիվը կկրճատի 10,000-ով

Բջջային հեռախոսներ արտադրող ֆիննական Nokia ընկերությունը մտադիր է աշխարհի բոլոր երկրներում գործող մասնաճյուղերում 2013–ին 10,000 աշխատատեղ կրճատել։ Նման որոշումը պայմանավորված է 2012–ի երկրորդ եռամսյակում ընկերության կորուստները կանխատեսվածից գերազանցելու հանգամանքով։ Դրանց ընդհանուր ծավալը 2012-ի առաջին քառորդի կտրվածքով կազմել է մոտ մեկ միլիարդ եվրո։ Ընկերություն կփակի նաև վնասող աշխատող մի շարք մասնաճյուղեր։ Այսպիսով, ընկերությունը մտադիր է խնայել մոտ 3 միլիարդ եվրո, որի մեկ միլիարդը կուղղվի համակարգի վերակառուցմանը։

Սա ընկերության պատմության մեջ առաջին խոշոր կրճատումը չէ։ 2010–ին և 2011-ին Nokia ընկերությունն աշխատանքից ազատել է ընդհանուր առմամբ 40 հազար աշխատատողի։