Մի՛ վշտացեք ձեր ծննդյան տարեդարձի օրը
Հասարակություն
Այս հոդվածը կարդալուց հետո հաստատ ամեն տարի չեք շտապի տոնել ձեր ծննդյան տարեդարձը:
Ցյուրիխի համալսարանի գիտնականներն ուսումնասիրել են 1969-2012 թվականներին ընկած ժամանակահատվածում Շվեյցարիայում մահացած մոտ 2 միլիոն մարդկանց տվյալները և եկել այն համոզման, որ մահվան ռիսկի գործոնը հենց մարդու ծննդյան օրն ավելին է, քան մնացյալ օրերին: Այդ ժամանակ 18.6 տոկոսով աճում է սրտի կաթվածների թիվը, ինչն ավելի հաճախ է պատահում հատկապես տղամարդկանց մոտ: Հոգեբանական գիտությունների դոկտոր-պրոֆեսոր Վլադետա Աժդասիկ-Գրոսը պնդում է, որ սեփական ծննդյան օրը հոգին ավանդելու հավանականությունը 60 տարեկանից հետո աճում է տարիքի հետ:
Այս ճակատագրական երևույթն ունի երկու բացատրություն՝ առաջինը շատ պարզ է՝ այդ օրը շատ ուտելը, երկրորդը՝ հոգեբանական գործոնն է, երբ մարդը զգում է, որ մեծացել է ևս մեկ տարով, և մահն ավելի մոտ է: Այս ժամանակ մարդու մոտ առաջանում է տխրության զգացողություն, ինչը մեծացնում է ինքասպանության վտանգը՝ հասցնելով այն գրեթե 70 տոկոսի. զգալիորեն աճում է նաև խելագարությունների թիվը:
Այսպիսով, սիրելի՛ ընթերցող, հաջորդ անգամ ծննդյան տարեդարձին մոմերը փչելիս քեզ թեթև զգա, մի ավելացրու բացասական հույզերը և ժպտա՛, քանի որ կյանքն իրոք հիասքանչ է:
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
