Սանկտ–Պետերբուրգի օդանավակայանում ձերբակալվել է ատրճանակ տեղափոխող ՀՀ քաղաքացի

Սանկտ–Պետերբուրգի «Պուլկովո» օդանավակայանում ձերբակալվել է Հայաստանի քաղաքացի, ում ուղեբեռում հայտնաբերվել է ատրճանակ՝ փամփշտակալով և 6 փամփուշտներով, հաղորդում է Ռիա նովոստին՝ հղում անելով Ռուսաստանի ներքին գործերի նախարարությանը։ 

Տուլայի մարզում բնակվող 28–ամյա Հայաստանի քաղաքացին հարցաքննության ընթացքում հայտնել է, որ տեղյակ չի եղել իր ուղեբեռում ապօրինի իրի վերաբերյալ, քանի որ դրոշմված կնիքով բջջային հեռախոսի տուփը, որի մեջ էլ եղել է հրազենը, իր ընկերն է խնդրել փոխանցել Մոսկվայում ապրող անծանոթ մեկին։

Ոստիկանությունը դեպքի առնչությամբ քրեական գործ է հարուցել։