Եմենի զինուժն իր վերահսկողության տակ է վերցրել «Ալ-Կաիդայի» երրորդ կարևոր հենակետը

Եմենի զինված ուժերը վերահկսողության տակ են վերցրել Շուքրա քաղաքը, որից դուրս են շպրտվել «Ալ-Կաիդայի» գրոհայինները, հաղորդում է Reuters–ը։

Եմենի զինուժի հարձակման պատճառով զոհվել է առնվազն 17 գրոհային։ Շուքրա քաղաքը համարվում է «Ալ-Կաիդայի» վերջին խոշոր հենակետը,  որը կառավարական ուժերն իրենց վերահսկողության տակ են վերցրել Ջաարա և Զինջիբարա քաղաքները գրավելուց հետո։

Եմենի զինուժի և «Ալ-Կաիդայի» գրոհայինների միջև զինված հակամարտությունը սկսվել է 2011–ի գարնանը, մի քանի հարյուր ծայրահեղականներ գրավել էին Աբյան նահանգի մի շարք քաղաքներ, այդ թվում Զինջիբարը։