Այսօր նշում են Լոմոնոսովի 300 ամյակը
Գիտություն և Մշակույթ
Այսօր լրանում է Միխայիլ Լոմոնոսովի ծննդյան 300-ամյակը: Գիտնական, բնախույզ Լոմոնոսովը ձևակերպել է բնության մեջ մատերիայի (նյութի) և շարժման (էներգիայի) պահպանման սկզբունքը։
Լոմոնոսովը մշակել է նյութի կառույցի ատոմամոլեկուլային ուսմունքը և հաստատել, որ ջերմությունը պայմանավորված է մասնիկների շարժումով։ Բացատրել է մի շարք օգտակար հանածոների, այդ թվում նաև նավթի, գազի, քարածխի առաջացումը։ Նա զբաղվել է նաև աստղագիտությամբ` հայտնաբերել է Վեներայի մթնոլորտը, բացատրել է կայծակի ու հյուսիսափայլի երևույթները, ֆիզիկայի զանազան հարցերով նախագծել և պատրաստել մի շարք օպտիկական սարքեր։
Լոմոնոսովը նպաստել է նաև ռուս գրական լեզվի զարգացմանը, նրա գիտական ուսումնասիրության հիմքի ստեղծմանը, զբաղվել ռուս ժողովրդի պատմության հարցերով, նկարչությամբ և մասնավորապես խճանկարչությամբ։ Նրա խճանկարներից հայտնի են «Պետրոս Ա դիմանկարը» և «Պոլտավայի ճակատամարտը» աշխատանքները։
1755թ.–ին հիմնել է Մոսկվայի պետական համալսարանը, որը հետագայում կոչվել է նրա անունով։ Նշենք նաև, որ այս առիթով նույնիսկ համացանցում լավագույն որոնման համակարգ համարվող Google-ն է փոխել իր տարբերանշանը:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
