Ճապոնիան վերսկսում է միջուկային ռեակտորների աշխատանքը

Ճապոնիայի վարչապետ Յոսիխիո Նոդան հայտարարել է, որ հուլիսին վերսկսելու է Օի քաղաքում գտնվող ատոմակայանի 2 միջուկային ռեակտորների աշխատանքը, տեղեկացնում է France-Presse գործակալությունը՝ Jiji Press-ին հղումով։ «Կիոդո»-յի համաձայն, ատոմակայանի վերագործարկման համաձայնությունը տվել է նահանգապետ Ֆուկուի Իսսեյ Նիսիկավան։

Սպասվում է, որ Օիի էներգաբլոկերը առաջին վերագործարկվողները կլինեն Ճապոնիայում 2011-ի մարտին Ֆուկուսիմա-1 ատոմակայանի վթարից հետո։ Այ ժամանակ ճապոնական իշխանությունները որոշել են ժամանակավորապես հրաժարվել ատոմային էներգիայից բոլոր կայանների վթարադիմացկունությունը ստուգելու համար։ 2012 թվականի մայիսի 5-ին անջատվեց ճապոնական վերջին գործող ռեակտորը («Տոմարի» ԱԷԿ)։

Ճապոնական հասարակայնությունը, մտավախություններ ունենալով Ֆուկուսիմա-1-ի պատահարի հնարավոր կրկության հետ կապված, հիմնականում դեմ է տրամադրված է ԱԷԿ-ի վերագործարկմանը։ Ատոմային էներգիայից ամբողջությամբ հրաժարվելու պարագայում, սակայն, Ճապոնիային սպասում է էներգետիկ ճգնաժամ։ Հունիսի 15-ին Kansai Electric Power (KEPCO) ընկերությունը հաստատել է, որ Օիի ատոմակայանը համապատասխանում է անվտանգության բոլոր պահաջներին։

Ֆուկուսիմա-1 ատոմակայանի լրջագույն վթարը հարուցվել էր կործանարար երկրաշարժի և դրան հաջորդած ցունամի հետևանքով։ Ռադիոակտիվ նյութի արտահոսքի արդյունքում տարհանվել էր էլեկտրակայանի շուրջ 20 կմ շառավղով ողջ բնակչությունը։ Մասնագետների կարծիքով, այն Չերնոբիլի վթարից հետո աշխարհում այս տիպի ամենամեծ արհավիրքն էր։