Պակիստանում շուկայի պայթյունի հետևանքով մահացել է 13 մարդ

Նվազագույնը 13 մարդ է մահացել շաբաթ առավոտյան Պակիստանի Լանդի Քոթալ քաղաքում պայթյունի հետևանքով, հաղորդում է Reuters գործակալությունը։

Նախկինում, տեղական իշխանության ներկայացուցչի կողմից հաղորդվել էր 11 մահացածի և 20 վիրավորի մասին։ Պայթուցիկ սարքավորումը տեղադրված է եղել քաղաքի կենտրոնում գտնվող շուկայում։ Դեռևս ոչ մի ահաբեկչական խմբավորում իր վրա չի վերցրել պայթյունի պատասխանատվությունը։

Լանդի Քոթալը Հայբեր վարչական տարածաշրջանի կենտրոնն է և ընկած է Աֆղանստանի սահմանի մոտակայքում։