Հայտնի են աշխարհի լավագույն երկնաքերերը

Չիկագոյի բարձրահարկ շենքերի և քաղաքային շրջակա միջավայրի խորհուրդը որոշել է աշխարհի լավագույն բարձրահարկ շենքերը՝ նրանց արժանացնելով Best Tall Buildings մրցանակի։

Ինչպես հայտնում է Reuters-ը, 78 թեկնածու շենքերի գնահատման համար հաշվի են առնվել այնպիսի տվյալներ, ինչպիսիք են շենքերի նախագծման ստեղծագործական մոտեցումները, շենքերի էկոլոգիականությունը և քաղաքային բնապատկերի հետ ներդաշնակությունը:

Best Tall Buildings մրցանակի կոմիտեի ղեկավար Ռիչարդ Կուկի խոսքերով, այս տարի ժյուրին առանձնացրել է 4 կառույց՝ Absolute Towers (179,5 մ) գտնվում է Տորոնտոյում (Կանադա), Bligh Street ՝ (135 մ) Սիդնեյ (Ավստրալիա), Palazzo Lombardia (161 մ)՝ Միլան (Իտալիա), Doha Tower (238 մ) Դոհա (Քաթար):

Նոր լավագույն երկնաքերերի շարքում ընդգրկված է նաև 56 հարկանի անավարտ Absolute Towers բնակելի պրոեկտը Տորոնտոի Միսիսոգա արվաձանում: Իրենք՝ կանադացիները, այս կառույցն անվանում են Մերլին Մոնրո՝ ի պատիվ հոլիվուդյան լեգենդար դերասանուհու:

Ավստրալական 28 հարկանի էլիպսաձև Bligh Street երկնաքերը «շնչում է»՝ այն ունի օդափոխվող ապակե ֆասադ և կանաչ տանիք:

Միլանի 40 հարկանի Palazzo Lombardia կառույցը ունի ճկված ապակե տանիք և ստվեր առաջացնող պտտվող շեղբեր:

Բազմաշերտ փորագրված պանելները զարդարում են Քաթարի Doha Tower կառույցը: Բացի այդ, գլանաձև կառույցը չունի կենտրոնական միջուկ՝ մեծացնելով ներքին օգտակար տարածքը:

29 հարկանի Աբու-Դաբիի Al Bahar Towers կառույցը մրցանակ ստացավ նորարարական դինամիկ ֆասադի համար, որը պտտվում է արևի ուղղությամբ:
Հայտնի է դարձել նաև, որ Ազատության աշտարակ երկնաքերը (Freedom Tower, հայտնի նաև One World Trade Center անունով), որը կառուցվել է 2001թ-ին փլուզված զույգ աշտարակների փոխարեն, դարձել է Նյու-Յորքի ամենաբարձր կառույցը: