Սլովակ ոստիկանը կրակ է բացել անմեղ քաղաքացիների ուղղությամբ. կա 3 զոհ

Սլովակ ոստիկանը հերթապահության ժամանակ կրակ է բացել երկրի հարավում գտնվող գնչուական տան վրա։ 3 մարդ է սպանվել, ևս երկուսը՝ վիրավորվել։

Ինչպես հաղորդում են տեղի ԶԼՄ-ները, 51-ամյա տղամարդը կրակ է բացել Գուրբանովո քաղաքում ապրող գնչուական ընտանիքին պատկանող տան ուղղությամբ։ Ոստիկանը մոտեցել է տանը և առանց պատճառի կրակ բացել տան վրա։

Մարդասպանին ձերբակալել են 3 ժամ տևած պաշարումից հետո։ Նա չէր ցանկանում հանձնվել և սպառնում էր ինքնասպանություն գործել։