Հնդկաստանում համաճարակից զոհվել է ավելի քան 247 երեխա

Վերջին 3 շաբաթների ընթացքում Հյուսիսային Հնդկաստանի Բիհար և Ութթար-Փրադեշ նահանգներում ավելի քան 247 երեխա է մահացել գլխուղեղի բորբոքումից (Էնցեֆալիտ), որի պատճառը մոծակի խայթոցն է, հաղորդում է IANS-ը։

Գործակալության հաղորդմամբ՝ Բիհար նահանգում մահացել է 159 երեխա, իսկ ավելի քան 80-ը գտնվում են ծանր վիճակում։ Հարևան Ութթար-Փրադեշ նահանգում մահացել է 88 երեխա։ Բժիշկների փոխանցմամբ՝ հիվանդ երեխաների մեծ մասն աղքատ ընտանիքներից են։ Խնդիրն ավելի է բարդացնում դեղորայքի և ճշգրիտ ախտորոշման համար անհրաժեշտ սարքավորումների պակասը։ Այդ պատճառով հիվանդության հարուցիչի մասին հաջողվել է իմանալ միայն համաճարակի տարածվելուց 2 շաբաթ անց։

Բժիշկներն անհանգստացած են, որ այս տարի Էնցեֆալիտի բռնկումն ավելի շուտ է սկսվել, քանի որ այն հիմնականում տարածվում է անձրևների ժամանակ, երբ մոծակների թիվն ավելանում է։