Նվազագույնը 470 հազար ԱՄՆ դոլար՝ «Գովք կուսության»-ի դիմաց. The Daily Telegraph

Միջնադարում գրված «Գովք կուսության» (De Laude Virginitatis) գիրքը, որում գրված է՝ ինչպես պետք է հագնվեն և ինչ հագուստ պետք է կրեն միանձնուհիները, աճուրդի է դրվել Sotheby’s աճուրդում, գրում է The Daily Telegraph–ը։ 

«Գովք կուսությանը» տրակտատ է, որը գրվել է VII դարում անգլիական եկեղեցու հոգևորական գործիչ Ալդհելմոմի կողմից, Բարկինգի վանական համալիրի միանձնուհիների համար։ Տրակտատը թվագրված է 666–ին։ Դա Անգլիայում գրված առաջին գիրքն է, որի թիրախը կին ընթերցողներն են։ 

Տրակտատում նշված է, որ բարեպաշտ կյանքի համար չափավորությունը բավական չէ. մարմնի մաքրության հետ պետք է ուղեկցվեն նաև «մաքուր մտքերը»։ Ալդհելմոմի հեղինակած գրքում նշված է, որ չի կարելի ներել այն կանանց, ովքեր ցուցադրաբար այնպիսի հագուստներ են կրում, որոնք գրավում են երիտասարդ տղամարդկանց ուշադրությունը, ինչպես նաև գրգռում նրանց։ Մասնավորապես, կանանց խորհուրդ է տրվում չկրել բազմագույն հագուստներ և նրբագեղ զարդեր։ 

Միջնադարյան գրքի 4 թերթերը, որոնք թվագրվում են մոտավորապես մ.թ. 800-ական թթ., աճուրդի են դրվելու հուլիսի 10–ին՝ ի թիվս այլ հինավուրց թանկարժեք իրերի։   

Ինչպես գրում է պարբերականը, «Գովք կուսության» գրքի հատվածներն աճուրդի են դրվելու 470-785 հազար ԱՄՆ դոլարի սահմաններում։