«Մադագասկար-3»-ը շարունակում է մնալ հյուսիսամերիկյան ցուցադրության առաջատարը

«Մադագասկար-3» (Madagascar 3: Europe's Most Wanted) անիմացիոն ֆիլմը շարունակում է մնալ հյուսիսամերիկյան ցուցադրության լիդերը 15-17 հանգստյան օրերի արդյունքներից ամփոփումից հետո, հայտնում է Associated Press-ը։

Եվրոպայում հայտնի քառյակի արկածների մասին պատմող երգիծական կտավը հավաքել է 35.5 միլիոն դոլար։ Հիշեցնենք, որ պրեմիերային ցուցադրության մի քանի օրերին այն հավաքել է 60 միլիոն դոլար, իսկ Ռուսաստանում միայն առաջին օրը՝ 130 միլիոն ռուբլի։ Ընդհանուր շահույթը տվյալ պահին կազմում է 278 միլիոն դոլար։

Երկրորդ տեղում է Ռիդլի Սքոթի «Պրոմեթևսը»՝ 20.2 միլիոնով, երրորդում՝ «Ռոք՝ առհավետ» (Rock of Ages) մյուզիքլը՝ 15.1 միլիոն դոլարով։