Նախագահական ընտրություններում հաղթել է մեր թեկնածուն. «Մուսուլման եղբայրներ»

«Մուսուլման եղբայրներ» իսլամիստական շարժումը հայտարարեց Եգիպտոսի նախագահական ընտրությունների երկրորդ փուլում իր թեկնածուի հաղթանակի մասին: Այդ մասին հայտնում է Reuters-ը:

Մահմեդ Մուրսիի շտաբի տվյալներով, իր համար քվեարկել է ընտրողների 52.5%, իսկ Հոսնի Մուբարակի կառավարության նախկին վարչապետ Ահմեդ Շաֆիկի օգտին՝ 47.5 %-ը: Այս տվյալները ստացվել են 98% քվեաթերթիկների հաշվարկից հետո, պնդում են «Մուսուլման եղբայրներ»-ը:

Ընտրությունների վերաբերյալ պաշտոնական տեղեկություններ դեռևս չկան և, թե երբ կլինեն՝ պարզ չէ: Մայիսի 23-24-ը ընտրությունների առաջին փուլի լիդերներին որոշելու համար պահանջվեց 4 օր:

Հիշեցնենք, որ քվեարկությունից անմիջապես հետո Եգիպտոսի գերագույն ռազմական խորհուրդը հայտարարել է սահմանադրական փոփոխությունների և ժամանակավոր սահմանադրության մասին: Խորհուրդը ստանձնել է օրենսդրական գործառույթ և որոշել նոր սահմանադրության գրման և ընդունման ժամանակցույցը:

Շաֆիկը հանդիսանում է զինվորական խորհրդի թեկնածուն: Ինչպես նշում է Agence France-Presse-ը նրա շտաբի ներկայացուցիչները ընտրության արդյունքներից շնցված են եղել և հրաժարվել են մեկնաբանություններից: