Թուրքիայի արտգործնախարարը Բաքվում է

Թուրքիայի արտաքին գործերի նախարար Մևլութ Չավուշօղլուն ժամանել է Ադրբեջանի մայրաքաղաք Բաքու: Այս մասին հայտնում է ադրբեջանական ԱՊԱ գործակալությունը:

Չավուշօղլուն կմասնակցի Ադրբեջանի, Իրանի և Թուրքիայի արտգործնախարարների հանդիպմանը:

Արտաքին քաղաքական գերատեսչությունների ղեկավարները քննարկելու են եռակողմ համագործակցությանը, տրանսպորտի, էներգետիկայի, մաքսակետերի և այլ ոլորտներում տնտեսական փոխգործակցությանն առնչվող հարցեր:

Հանդիպման ավարտից հետո նախարարները համատեղ մամուլի ասուլիսով հանդես կգան: