Նիգերիայում տեռորիստական ակտի և անկարգությունների զոհերի թիվը հասել 45-ի

Վերջին տվյալներով, Նիգերիայում տեռորիստական գործողությունների և դրանց հետևած անկարգությունների զոհվածների թիվը հասել է 45-ի: Այդ մասին տեղեկացնում է France Presse-ը:

Ավելի վաղ հայտարարվել էր 36 զոհերի և 100 վիրավորների մասին:

France Presse-ի տվյալներով, Նիգերիայում մեկ օրում տեղի է ունեցել եկեղեցիներ վրա 5 հարձակում։ Ավելի վաղ հայտարարվում էր 3 դեպքի մասին՝ 2-ը Զարիա քաղաքում, մեկը՝ Կադունայում:

Նախկինում հաղորդվում էր, որ տեռորիստական գործողություններից հետո Կադունայում սկսվել են անկարգություններ: Երիտասարդները, հավանաբար քրիստոնեական կրոնական հոսանքների հետևորդներ, շրջափակել են քաղաքից հարավ տանող ճանապարհը և հարձակում գործել տարածքով անցնող մուսուլմանների վրա:

Կադունա նահանգի ղեկավարությունը տեռորիստական գործողությունների և սկսված անկարգությունների պատճառով հայտարարել է պարետային ժամ:

Գործողության պատասխատվությունը ոչ մի կազմակերպություն իր վրա դեռևս չի վերցրել, սակայն ավելի վաղ իսլամիստ ծայրահեղական «Վոկո Հարամ» խմբավորումը, որը ձգտում է Նիգերիայի ամբողջ տարածքում շարիաթի տարածմանը և արևմտյան աշխարհիկ կրթական մոդելի դուրսմղմանը, բազմիցս կազմակերպել է ահաբեկչական հարձակումներ, այդ թվում՝ նաև եկեղեցիներում: