Իսրայելն արտաքսում է աֆրիկյան անօրինական ներգաղթյալների առաջին խմբին

Իսրայելը սկսել է աֆրիկյան անօրինական ներգաղթյալների զանգվածային հայրենադարձությունը՝ երկուշաբթի հայրենիք ուղղարկելով առաջին խմբին (Հարավային Սուդանի ավելի քան հարյուր մարդ), այդ մասին տեղեկացնում են տեղական հեռուստաալիքները:

Գրեթե 8 միլին բնակչություն ունեցող Իսրայելում հաշվվում է 60 հազար ներգաղթյալ, ովքեր Իսրայել են հասել Եգիպտա-Իսրայելյան թերի վերահսկվող սահմանից: Տեղի բնակչությունը հանցագործությունների ալիքի հիմնական մեղավորը նրանց է համարում և այդ իսկ պատճառով կանոնավոր կերպով փողոցային բողոքի ցույցեր է իրականացնում՝ պահանջելով իշխանություններիից անկոչ հյուրերի նկատմամբ քայլեր ձեռնարկել:

Երկուշաբթի գիշերն Իսրայելն առաջինը լքել է 123 հարավ-սուդանցի, որոնց փաստացի կանգնեցրել էին ընտրության առջև՝ կամ ձերբակալություն և պարտադրված աքսոր, կամ էլ ինքնակամ հեռացում և դրամական պարգև: Ներգաղթյալներն ընտրել են երկրորդ տարբերակը և մինչ հեռանալը ստացել 1000 եվրո, իսկ տարածքը լքած յուրաքանչյուր երեխայի համար ստացել 500 եվրո:

«Կառավարությունը սկսում է անօրինական ներգաղթյալ աշխատողներին իրենց երկրներ ուղղարկելու գործընթացը: Մենք դա կիրականացնեք օրենքով և պատշաճ կերպով»,- այդ մասին հայտնել է Իսրայելի վարչապետ Բենիամին Նեթանյահուն:

Նա տեղեկացրեց, որ Աֆրիկա հաջորդ թռիչքը կլինի մեկ շաբաթից:

Կառավարությունը գտել է իրավական հնարավորություն երկրից տեղահանելու դեռևս միայն հարավային Սուդանի քաղաքացիներին, որոնց թիվը հասնում է 1,5 հազարի: Սակայն Սուդանի և Էրիթրեայի ներգաղթյալներին, որոնց թիվը շատ ավելին է, Իսրայելի կառավարությունը տարհանել չի կարող դատական որոշումների և միջազգային պարտավորությունների պատճառով: