Գիտնականները կշռել են Երկրի բնակչությունը

Հետազոտողներն առաջին անգամ հաշվել են Երկրի բնակչության ընդհանուր քաշը, որը իրենց խոսքերով կազմել է 287 միլիոն տոննա, հաղորդում է BBC Russian-ը, հղում անելով Լոնդոնի Հիգիենայի և արևադարձային բժշկության կենտրոնի տվյալներին։

Մասնագետները կազմել են «ամենաթեթև» և «ամենածանր» բնակչությամբ երկրների ցուցակը։ Վերին հորիզոնականում է ԱՄՆ-ը։ Եթե չափահաս մարդու միջին քաշը մյուս երկրներում 62 կգ է, ապա ԱՄՆ-ում այդ ցուցանիշը գերազանցում է 80.7 կգ-ը։

Մասնագետների խոսքերով, եթե բոլոր երկրներում քաշի ավելցուկի նման ցուցանիշ լիներ, դա հավասարազոր կլիներ, որ Երկրի բնակչությունը 1 միլիարդ միջին զանգվածով մարդով ավելի լիներ։

Բացի ԱՄՆ-ից, «ամենածանրերի» ցուցակում են հայտնվել Քուվեյթը, Խորվաթիան, Քաթարը և Եգիպտոսը։ Դա բացատրվում է այս երկրներում ավտոմոբիլային տրանսպորտի տարածվածությամբ, ինչի արդյունքում մարդիկ քիչ են շարժվում և, որպես հետևանք, գիրանում։

Ցուցակի ստորին հորիզոնականները զբաղեցնում են Վիետնամը, Եթովպիան և Էրիթրեան։ Սակայն հետազոտողները նշում են, որ դրա միակ պատճառը այդ երկրների աղքատ լինելը չէ և ուշադրություն են հրավիրում Ճապոնիայի դեպքի վրա։ Այս երկիրն օրինակ է ծառայում նրա, որ կարելի միաժամակ լինել և՛ ապահովված, և՛ ձիգ։

Քաշը, սակայն, միշտ չէ, որ ուղղակիորեն կապված է ռեգիոնի բնակչության խտությունից։ Ասիայի բնակչության քաշը կազմում է ընդհանուրի ընդամենը 13%-ը, չնայած այս տարածաշրջանում ապրում է Երկրի բնակչության 61%-ը: