Ստեփանակերտը պետք է ուղղակիորեն ներգրավված լինի բանակցային գործընթացում. քաղաքագետ
Հայաստան
Հայաստանի և Ադրբեջանի արտգործնախարարներ Էդվարդ Նալբանդյանի և Էլմար Մամեդյարովի հանդիպումից ես էական և լուրջ տեղաշարժեր բանակցային գործընթացում չէր ակնկալում։ Լուրեր.com–ի հետ զրույցում նման կարծիք էր հայտնել քաղաքագետ Նարեկ Գալստյանը։
Նրա խոսքերով՝ այս հանդիպումը նախապատրաստական հանդիպում էր, որից հետո պետք է տեղի ունենա նախագահների հանդիպումը։
«Կարծում եմ առաջնահերթ ուշադրություն պետք է դարձվի երկու հանգամանքների վրա. առաջինը՝ հրադադարի ռեժիմին ուղղված միջոցառումներն են, այսինքն սահմանային միջադեպերի կանխարգելմանն ու դրանց հետաքննությանն ուղղված մեխանիզմների մշակումը։ Երկրորդը՝ Ստեփանակերտի ներգրավվածությունն է բանակցային գործընթացում»,– ասաց Գասլտյանը։
Նրա կարծիքով արդեն ժամանակն է, և միջազգային հանրությունը հստակ գիտակցում է, որ պաշտոնական Ստեփանակերտը պետք է ուղղակիորեն ներգրավված լինի բանակցային գործընթացում։
Քաղաքագետ Գալստյանը նշեց նաև, որ եթե բանակցային գործընթացներում տեղաշարժ լինի, ապա այդ երկու ուղղությամբ պետք է սկսվի, բայց և ավելացրեց, որ ինքն առաջիկայում լուրջ տեղաշարժեր չի ակնկալում։
Հիշեցնենք, որ այսօր Փարիզում տեղի է ունեցել Հայաստանի և Ադրբեջանի արտգործնախարարներ Էդվարդ Նալբանդյանի և Էլմար Մամեդյարովի հանդիպումը:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
