ԼՂՀ–ում սկսվել է հին վարորդական վկայականների զանգվածային փոփոխում

ԼՂՀ–ում սկսվել է խորհրդային շրջանից մնացած վարորդական վկայականների զանգվածային փոփոխում՝ համաձայն երթևեկության անվտանգության կանոնների։

Ճանապարհային ոստիկանության աշխատակիցը պարզաբանեց, որ նոր պլաստիկ վարորդական վկայականները գործում են Հայաստանում և տարածաշրջանային երկրներում։ Աղբյուրը նաև նշեց, որ հին վարորդական վկայականը նորով փոխարինելն արժե 12 000 դրամ։ Գործողությունը պետք է ավարտվի մինչև 2012 թվականի հունվարի մեկը, բայց ճանապարհային ոստիկանությունում նշեցին, որ այն վարորդների համար, որոնք չեն հասցրել նոր վկայական ստանալ, ժամկետը կերկարացվի։

Աղբյուրը նշեց, որ այժմ արագացվել է այդ գործողությունը, հարկավոր է միայն դիմում գրել ու ներկայացնել անձնագրի պատճեն։ Վարորդն ազատված կլինի ավելորդ թղթաբանությունից։ Նրան տեղում կլուսանկարեն ու քսան օրում կտրամադրեն նոր վկայական։