Օբաման և Պուտինը կոչ են արել Սիրիային անհապաղ դադարեցնել բռնությունները

Երկուշաբթի օրը սիրիական բանակը ռմբակոծել է Հոմսի և Դամասկոսի մերձակա մի շարք քաղաքներ։ Մինչ այդ, ԱՄՆ-ի նախագահ Բարաք Օբաման և իր ռուս կոլեգան՝ Վ. Պուտինը, կոչ են արել անհապաղ դադարեցնել բռնությունները Սիրիայում։ Ըստ սիրիական հասարակական կազմակերպությունների, երկուշաբթի սպանվել է 93 մարդ, որոնցից 63-ը՝ խաղաղ բնակիչ։

ՄԱԿ-ի պատասխանատուն նույնպես կոչ է արել Բաշար ալ Ասադին անհապաղ դադարեցնել զենքի կիրառումը, քանի որ Սիրիայում ընթացող ռազմական գործողությունները մարդկության դեմ հանցագործություններ են։

Երեքշաբթի ՄԱԿ-ի անվտանգության խորհուրդը պետք է քննարկի Սիրիայում իր դիտորդական առաքելության ապագան։ Ըստ նրանց, սիրիացի ժողովուրդը պետք է կարողանա ընտրել իր ճակատագիրը անկախ և ժողովրդական ճանապարհներով։

Ռուսաստանի նախագահ Վ. Պուտինը հայտարարել է, որ Օբամայի և իր տեսակետները մի շարք ընդհանրություններ ունեն Սիրիայում ծանր դրությունը հարթելու համար։

Անցած շաբաթ ԱՄՆ պետ. քարտուղար Հիլարի Քլինթոնը մեղադրել է Մոսկվային Ասադին ռազմական ուղղաթիռներ տրամադրելու մեջ։ Ի պատասխան ԱՄՆ-ի այս հայտարարության, Ռուսաստանը հայտնել է, որ դրանով նա ուղղակի թարմացրել է Սիրիայի զինապաշարը։

Չնայած Սիրայում իրենց դիվիզիաների առկայությանը, և՛ Ռուսաստանը, և՛ ԱՄՆ-ը գտնում են, որ պետք է անհապաղ դադրեցվեն ռազմական գործողությունները։