Սմարթֆոն օգտագործողները վտանգում են իրենց առողջությունը

Համաձայն ‹‹Ֆիզիոթերապիայի կանոնադրված hասարակություն» կազմակերպության հետազոտության` մարդիկ վտանգում են իրենց առողջությունը՝ օգտագործելով սմարթֆոններ և համակարգիչներ՝ աշխատավայրից հեռանալուց հետո: Հետազոտությունը ցույց է տվել, որ մարդիկ դարձել են ‹‹էկրանի ստրուկներ» ու հաճախ շարունակում են աշխատել ճանապարհին և երբ արդեն տանն են:

The Society-ն նշում է, որ այս միջավայրում մարդու մոտ կարող է առաջանալ մեջքի և վզի ցավ: Մարդիկ պետք է սովորեն կտրվել իրենց սարքավորումներից: 2010 գրասենյակային աշխատակիցների հետ կատարած առցանց հետազոտության արդյունքում The Society-ն պարզել է, որ հետազոտվողների 2/3-ը շարունակում է աշխատել աշխատանքային ժամերից հետո: Կազմակերպությունն ասում է, որ մարդիկ իրենց աշխատանքային օրը բարձրակետին են հասցնում աշխատանքից հետո՝ միջինում ավելի քան 2 ժամ հավելյալ ‹‹Էկրանային ժամանակ» ունենալով: Ըստ ստացված տվյալների` չափազանց շատ աշխատանք ունենալը և օրվա ընթացքում լարվածությունը թուլացնելը մեծ ծանրաբեռնվածության հիմնական պատճառներն են: Այն անհատները, ովքեր իրենք իրենց անկարող են համարում թողնել օֆիսային աշխատանքը, պետք է խոսեն իրենց ղեկավարների հետ և սովորեն կտրվել սմարթֆոններից:

‹‹Ֆիզիոթերապիայի կանոնադրված հասարակություն›› կազմակերպության նախագահ, բժիշկ Հելենա Ջոնսոնն ասել է, որ բացահայտումները մեծ մտահոգության տեղիք են տալիս՝ ‹‹հատկապես այն դեպքում, երբ օգտագործում ենք նման սարքավորումներ և չենք մտածում մեր կեցվածքի մասին»: Նույն կազմակերպության գլխավոր քարտուղար Բրենդան Բարբերն ասում է, որ աշխատանքային մեծ ծանրաբեռնվածությունը վատ է ազդում բոլորի վրա: Գերծանրաբեռնված աշխատակիցները ոչ միայն լավ չեն կատարում իրենց աշխատանքը, այլև կարող են հիվանդանալ սթրեսից ու չկառավարվող աշխատանքի գերծանրաբեռնվածությունից: