Ամերիկացի միլիարդատերը վաճառել է Facebook–ի իր բաժնեմասը. The Wall Street Journal

Ամերիկացի միլիարդատեր, «Dallas Mavericks» NBA ակումբի սեփականատեր Մարկ Կյուբանը վաճառել է Facebook սոցիալական ցանցի իրեն պատկանող բաժնետոմսերը։ CNBC–ի հեռուստատեսությանը տված հարցազրույցում Կյուբանը հայտնել է, որ սխալվել է՝ կարծելով, որ Facebook–ի բաժնետոմսերը IPO–ում աճուրդի դնելուց հետո կբարձրանա։

Կյուբանը նշել է, որ «Եթե Facebook–ը 421 միլիոնի արժեթուղթ թողարկելու փոխարեն, թողարկեր 8,4 միլիոնի արժեթուղթ, ապա այժմ մեկ արժեթղթի գինը պետք է կազմեր 200 ԱՄՆ դոլար», – ասել է ամերիկացի ներդրողը։ 

The Wall Street Journal–ը հիշեցրել է, որ Կյուբանը մայիսի վերջին գնել էր Facebook–ի 150 հազար բաժնետոմս՝ երրորդ տրանշի ժամանակ։ Ըստ նրա, 50 հազար դոլարի բաժնետոմսերը գնել է մինչև 33 դոլար սահմաններում, ևս նույնքան բաժնետոմսեր ձեռք է բերել 31,97 դոլարով, իսկ վերջին թվաքանակը ձեռք է բերել 32,5 դոլարով։ 

Սկզբում սոցցանցի մեկ բաժնետոմսի արժեքն աճեց մինչև 38 դոլար, սակայն IPO–ում վաճառքի դրվելուց մեկ օր անց ընկերության բաժնետոմսի գինը կտրուկ նվազեց։ Հունիսի 18–ին Facebook–ի արժեթղթերը բարձրացան 4,2%–ով. մեկ արժեթղթի գինը հասավ մինչև 31,26 դոլար, որը 18%–ով ցածր է IPO–ում ներկայացված մեկնարկային գնից։ 

Facebook–ի բաժնետոմսերը IPO–ում վաճառքի ներկայացնելը դարձել է ամենաանհաջող գործարքն ամերիկյան ընկերությունների համար։ Մեկ ամսից քիչ ժամանակում ընկերության բաժնետոմսերը 1/3-րդով նվազել է։

Մարկ Կյուբանը համարվում է մի քանի մեդիաընկերությունների սեփականատեր և համացանցային նախագծերում (օրինակ Broadcast.com և MicroSolutions) խոշոր ներդրող։ Նրա կարողությունը գնահատվում է 2,3 միլիարդ դոլար։ Իր կապիտալի մեծ մասը նա աշխատել է 1990-ականների վերջին՝ համացանցային ընկերությունների «հեղափոխական» շրջանում։