Dow Jones-ի նախագահը հրաժարական է տվել. The Wall Street Journal

Հրաժարական է տվել ֆինանսական լուրերի Dow Jones & Company գործակալության նախագահ Թոդ Լարսենը։ Այդ մասին գրում է The Wall Street Journal–ը։

Ընկերության նախագահի հրաժարականի պատճառների և նոր նախագահի թեկնածուի վերաբերյալ որևէ տեղեկություն չի հաղորդվում։ Լարսենը ընկերության նախագահի պաշտոնը զբաղեցրել է 2010–ի հունվարից, իսկ ընկերությունում աշխատել մոտ 13 տարի։ 2011–ի հուլիսին նա դարձել է ընկերության գործադիր տնօրենի պաշտոնակատարը՝ Լես Հինթոնի հրաժարականից հետո։ Ենթադրվում էր, որ Լարսենը պաշտոնապես կնշանակվի գործադիր տնօրենի պաշտոնում, սակայն արդյունքում այդ պաշտոնին նշանակվեց Bloomberg–ի թոփ մենեջեր Լեքսի Ֆենիքը։ 

Dow Jones & Company գործակալության ֆինանսական լուրերը (Dow Jones ինդեքս բաժնում) հրապարակվում են The Wall Street Journal պարբերականում։ Ընկերությունը 2007–ին դարձավ News Corporation մեդիահոլդինգի սեփականատեր, մեդիամագնատ Ռուպերտ Մերդոկի սեփականությունը, որը գնել էր 5,6 միլիարդ ԱՄՆ դոլարով։ Ընկերության կադրային փոփոխությունները կապված էին News of The World–ի սկանդալի հետ, որն էլ իր հերթին News Corporation մեդիահոլդինգի մաս է կազմում։  

Մինչև Dow Jones–ի նախագահ նշանակվելը Հինթոնը 12 տարի ղեկավարել է Մերդոկին պատկանող News Corporation–ի կողմից վերահսկվող բրիտանական թերթերի News International բաժանմունքը։ News International–ն իր հերթին եղել է անցյալ տարի փակված News of The World-ի կազմում, որի աշխատակիցները գաղտնալսել էին բրիտանացի հայտնի քաղաքական գործիչների և հասարակ քաղաքացիների հեռախոսազրույցները։

Ինչպես նշում է հեղինակավոր պարբերականը, Հինթոնը Dow Jones–ի նախագահի պաշտոնից հրաժարվել է, հեռախոսազրույցների գաղտնալսումների հետ կապված սկանդալում իրեն պատասխանատու ճանաչելու պատճառով։