Չարագործը փչացրել է Պիկասոյի հայտնի նկարը

ԱՄՆ-ի Տեխաս նահանգի Հյուսթոն քաղաքի Menil Collection թանգարանի աշխատակիցները փրկել են Պաբլո Պիկասոյի 1929 թվականին նկարված «Կինը՝ կարմիր բազկաթոռին» կտավը։

Չարագործը կտավի վրա ցլին սպանող ցլամարտիկ է նկարել և գրել «կոնկիստա» բառը: Այս բառով են անվանել 15-16-րդ դարերում ընկած այն ժամանակահատվածը, երբ իսպանացիներն ու պորտուգալացիները նվաճում էին Կենտրոնական և Հարավային Ամերիկաները,- հայտնում է Houston Chronicle-ը։

Հայտնի նկարչի կտավն այնտեղ ցուցադրվում է թանգարանի բացման օրվանից՝ 1987 թվականից։ Դեպքից անմիջապես հետո կտավը ենթարկվել է ռեստավրացիայի և փորձագետների ջանքերի շնորհիվ վերականգնվել է։

Թանգարանի տեսախցիկները ֆիքսել են, թե ինչպես մի երիտասարդ կտավը վնասելուց հետո շտապ դուրս է եկել թանգարանի շենքից։ Երտասարդի անձն ու հանցագործության դրդապատճառները դեռ հայտնի չեն։