Հնագետները պարզել են հնագույն ավստրալական գեղանկարչության տարիքը

Հնագետները պարզել են Ավստրալիայի՝ այս պահի դրությամբ ամենահին ժայռանկարների տարիքը։ Նրանց տվյալներով, դրանք կատարվել են մոտ 28 հազար տարի առաջ։ Գիտնականների հոդվածը տպագրության է ընդունվել Journal of Archaeological Science պարբերականում, ինչի վերաբերյալ տեղեկացնում է Associated Press գործակալությունը։

Հարավային Քուինսլենդի համալսարանի հնագետ Բրյուս Բեյքերը մոտ մեկ տարի առաջ է հայտնաբերել Նավարլա Գաբարնմանգ (Nawarla Gabarnmang) քարայրային ապաստարանը, սակայն թվագրման մանրամասները հայտնի են դարձել միայն այժմ։

Գիտնականին հաջողվել է նկարների մեջ հայտնաբերել մարդկանց և կենդանիների նկարներ՝ արված ածխից ստաված գույներով։ Հենց դա է, որ թույլ է տվել ճշգրտել պատկերների տարիքը՝ հիմնված ռադիոածխածնային վերլուծության վրա։ Բեյքերի խոսքերով, քարայրի նկարները հստակ թվագրություն ունեցող ամենահին ժայռանկարներ են, որոնք հայտնաբերվել են Ավստրալիայում։

Աշխարհում ամենահին քարանձավային նկարները համարվում են Իսպանիայի Էլ Կաստիլյո քարայրում հայտնաբերված օխրայե սկավառակները։ Դրանք տարիքը 41 հազար տարի է, ինչը թույլ է տալիս հնագետներին ենթադրել, որ հնարավոր է՝ դրանք պատրաստված լինեն նեանդերթալյան մարդու ձեռքով։