Միրոյի նկարը Sotheby's-ում վաճառվել է ռեկորդային գնով

Իսպանացի նկարիչ Խուան Միրոյի «Գեղանկարչություն (Կապույտ աստղ)» կտավը Լոնդոնի Sotheby's աճուրդում վաճառվել է 23.6 միլիոն ֆունտով (36.9 միլիոն դոլար)՝ սահմանելով ռեկորդ այդ հեղինակի գործերի համար։ Այս մասին հայտնում է Reuters գործակալությունը։

«Կապույտ աստղ» կտավը ստեղծվել է 1927 թվականին։ Աճուրդի ներկայացուցիչն ասել է, որ այդ ժամանակաշրջանի Միրոյի գործերը մեծ թվով երկրպագուներ ունեն։ Նկարչի կտավի նախկին ռեկորդը կազմել է 16.8 միլիոն ֆունտ։ Թանկարժեք երկրորդ նկարն է համարվել Պաբլո Պիկասոյի «Նստածը»։ Կտավի համար վճարվել է 6.2 միլիոն ֆունտ, ինչը հազիվ է գերազանցել նախնական գնահատականի նվազագույն շեմը:

Ընդհանուր առմամբ իմպրեսիոնիստների և ժամանակակից նկարիչների աշխատանքներից աճուրդի կազմակերպիչների սպասելիքները չեն արդարացել, հայտնում է Reuters-ը։ Կտավներից շատերը վաճառվել են նախնական արժեքով, ինչի հետևանքով Sotheby's-ը ստացել է ընդամենը 75 միլիոն ֆունտ։ Բացի այդ, սա առաջին լոնդոնյան աճուրդն է, որը, ըստ մասնագետների, կարող է ունենալ մինչև 1 միլիարդ դոլարի եկամուտ։