Հանրությունն անհասկանալի պատճառով չկարողացավ առցանց հետևել ԱԺ-ում ընթացող նիստին

Այսօր Լուրեր.com կայքի խմբագրություն են զանգահարել քաղաքացիներ և դժգոհություն հայտնել այն առթիվ, որ չեն կարողանում առցանց ռեժիմով հետևել ԱԺ-ում ընթացող նիստին:

Համաձայն «ԱԺ կանոնակարգ» ՀՀ օրենքի 112-րդ հոդվածի 2-րդ կետի՝ «Ազգային ժողովի դռնբաց նիստերն ուղիղ եթերով առցանց հեռարձակվում են Ազգային ժողովի ինտերնետային կայքում: Առցանց հեռարձակումն իրականացնում է Աշխատակազմը»:

Lurer.com-ը ԱԺ հասարակայնության և տեղեկատվության միջոցների հետ կապերի վարչության պետ Հրայր Զորյանից, ապա նաև ԱԺ աշխատակազմի ղեկավարի առաջին տեղակալ Գագիկ Մխեյանից փորձեց հետաքրքրվել, թե ինչու նիստը ԱԺ ինտերնետային կայքով առցանց չի հեռարձակվում: Պրն Զորյանն իրողությունը բացատրեց նիստի ընդմիջման ժամի հետ համընկնելու փաստով: Պրն Մխեյանը պատասխանեց, որ հեռարձակումն առկա է, ԱԺ իր համակարգչով տեսանելի է: Իսկ թե ինչու այլ համակարգիչներով տեսանելի չէ, դժվարացավ պատասխանել:

Հիշեցնենք, որ այսօր 5-րդ գումարման Ազգային ժողովը քննարկում է ՀՀ կառավարության առաջիկա 5 տարիների գործունեության ծրագիրը: