Պոլսահայերը կփորձեն Հայոց պատրիարքի ընտրությանը հասնել դատական միջամտության արդյունքում
Հասարակություն
Պոլսո Հայոց պատրիարքի ընտրությունների անցկացման նպատակով իշխանություններին ուղարկված դիմումն այդպես էլ անպատասխան է մնացել: Ընտրությունների կազմակերպմամբ զբաղվող Նախաձեռնող մարմինը դիմել է դատարան: Այդուհանդերձ՝ դատական գործից առանձնապես ակնկալիքներ չկան: Այս մասին նշեց Ստամբուլի հայկական «Ակոս» շաբաթաթերթի հայերեն բաժնի գլխավոր խմբագիր Բագրատ Էստուկյանը:
«Օրենքի համաձայն` կառավարությունը պետք է նշված ժամկետում դիմումներին տա կամ դրական, կամ ժխտական պատասխան: Պատրիարքական ընտրություններ անցկացնելու դիմումը ներկայացվել է Ստամբուլի նահանգապետին, որը վերջինս պետք է փոխանցի ներքին գործերի նախարարությանը, գերատեսչությունն էլ` նախարարների խորհրդին: Որոշում կայացնողը խորհուրդն է, սակայն շղթան սկսվում է նահանգապետարանից: Քանի որ դիմումն անպատասխան է մնացել, այս պարագայում բացվում է դատական միջամտության ճանապարհը: Դրա համար էլ Պոլսո Հայոց պատրիարքի ընտրությունների Նախաձեռնող մարմինը դիմել է դատարան»,-ասաց Բագրատ Էստուկյանը:
Նա ընդգծեց, որ դրական արդյունքի սպասելը միամտություն է: Նրա խոսքով, այս ճանապարհով գնալը երկարացնում է պատրիարքի ընտրությունների գործընթացը, սակայն դատարան դիմելն անհրաժեշտ քայլ է:
Դատական նիստի օրը դեռ նշանակված:
ՈՒՂԻՂ ԵԹԵՐ
Ամենադիտված 
Մահացել է երգիչ Հովհաննես Գրիգորյանը
