52 տարի՝ մարմնի վրա դաջվածքներ անելու համար

69-ամյա Բրիտանացի Թոմմի Ուելսը, իր հայրենիքում վաղուց հայտնի է որպես ամենաշատ դաջվածքներ ունեցող նախապապ, իսկ այժմ հավակնում է այդ տիտղոսին ողջ աշխարհում մեկ:

Արտասովոր Բրիտանացին իր կյանքի 52 տարիները նվիրել է իր մարմնի վրա դաջվածքներ անելուն և այժմ ցանկանում է, որ իր ռեկորդը գրանցվի Գինեսի գրքում:

Ուորսլիում ծնված նախապապը, ով իր մարմնի վրա դաջվածքներ սկսել է անել 17 տարեկանից, պատել է իր մարմինը դաջվածքների անհավատալի քանակով՝ գրեթե հազար գեղանկարներով:

Այդ պատճառով է, որ Թոմմի Ուելսի մարմնի վրա անգամ մեկ սանտիմետր չկա, որ պատված չէ դաջվածքով. նա ամբողջովին պատված է չմաքրվող Body Art-ով՝ ձեռքերը, ոտքերը, վիզը, մեջքը, ազդրերը, ամբողջ գլուխը, ականջները, կոպերը, շուրթերը և անգամ առնանդամը:

Վերջին դաջվածքը, որ արել է այս զարմահանրաշ մարդը իր ծոծրակին՝ «Ես կսիրեմ քեզ ընդմիշտ, սիրով՝ Թոմի» (I love you always, love Tommy): Այս դաջվածքը Թոմմին նվիրել է իր կնոջը՝ Սանդրային, ով մահացել է 7 տարի առաջ 61 տարեկան հասակում։ Նրանք միասին ապրել են 44 տարի:

Հենց Սանդրան է, որ համոզել է Թոմմիին անել իր առաջին դաջվածքը, մինչդեռ ինքն իր ամբողջ կյանքի ընթացքում ոչ մի դաջվածք չի ունեցել: Առաջին դաջվածքից հետո Բրիտանացին այնքան է տարվել, որ 1000 ֆունտ է ծախսել, որպեսզի իր ամբողջ մարմինը պատի դաջվածքներով:

Թոմմի Ուելսի երեխաներն էլ են տարված դաջվածքներով, բայց նա համոզված է, որ իր երեխաներին չի հաջողվի անցնել իր ռեկորդը:

Հիշեցնենք, որ ըստ Գինեսի գրքի ռեկորդների աշխարհում ամենաշատ դաջվածքներ ունեցող կինը Ջուլիա Գնուսեն է: