Եռաչափ պատկերներ՝ Շառլ Ազնավուրի անվան հրապարակում
Գիտություն և Մշակույթ
Երևանի քաղաքապետարանի և Ամերիաբանկի նախաձեռնությամբ Երևանի տարբեր հատվածներում տեղադրվել էին «Երազանքի պատեր», որոնցով երևանցիներն ու մեր քաղաքի հյուրերը հնարավորություն ունեին ներկայացնելու, թե ինչպիսի ձևավորմամբ Երևան են ցանկանում տեսնել։
Քաղաքում և Ամերիաբանկի ֆեյսբուքյան էջին տեղադրված երազանքներից առաջինը քաղաքապետարանը կիրականացնի արդեն օրեր անց։ Հունիսի 26-ին Երևանցիներին կմատուցվի Շառլ Ազնավուրի հրապարակը՝ եռաաչափ պատկերներով ձևավորված սալահատակով։
Ձևավորումն իրականացնելու համար «Բի Բի Մեդիա» գովազդային գործակալության միջոցով Երևան է հրավիրվել գերմանացի աշխարհահռչակ եռաչափ նկարիչ Նիկոլայ Արնդտը: «Թեև մի քանի ժամ եմ Երևանում, սակայն հասցրել եմ հիանալ ձեր քաղաքով: Համոզված եմ, որ երևանյան աշխատանքս իմ լավագույն գործերից է լինելու»,- ասել է Նիկոլայ Արնդտը:
Կազմակերպիչները չեն շտապում բացահայտել՝ ինչ է նկարվելու սալահատակին: Աշխատանքը կատարվելու է ջրակայուն և ջերմակայուն հատուկ ներկերով, ուստի նկարով հիանալ և նրա ֆոնին լուսանկարվել երևանցիները կկարողանան մի քանի ամիս շարունակ:
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
