Երաժշտության տոնը` Հայաստանում

1982 թ. հունիսի 21-ից Ֆրանսիայի մշակույթի և հաղորդակցության նախարարությունն ամեն տարի անցկացնում է «Երաժշտության տոն» միջոցառումը` բացօթյա հարթակներում համախմբելով արհեստավարժ և ինքնուս երաժիշտ-կատարողների, երգիչների:

Այս գեղեցիկ նախաձեռնությունը տարեցտարի իր լայն տարածումն է գտնում ողջ աշխարհում: ՀՀ մշակույթի նախարարությունը ՀՀ-ում Ֆրանսիայի դեսպանության հետ համատեղ «Երաժշտության տոնը» տոնում է 2007 թվականից` իրականացնելով մի շարք ծրագրեր մայրաքաղաքում և 2009 թվականից նաև ՀՀ մարզերում: 2012 թ. «Երաժշտության տոնի» ծրագիրը նվիրվում է փոփ երաժշտությանը, որի շրջանակներում էլ հունիսի 21-ին Երևանում և ՀՀ մարզերում կիրականացվեն մի շարք ծրագրեր: