Անկարայում ԱՄՆ դեսպանատան պողոտան կանվանակոչվի «Ձիթենու ճյուղ»
Թուրքիա
Անկարայի քաղաքային իշխանությունները ձայների մեծամասնությամբ ընդունել են որոշումն այն մասին, որ Նևզաթ Թանդողանի պողոտան, որտեղ տեղակայված է Միացյալ Նահանգների դեսպանատունը, կանվանափոխվի «Ձիթենու ճյուղ» պողոտայի: Այս մասին հատնում է թուրքական «Անադոլու» գործակալությունը:
Խորհրդի նիստի ժամանակ որոշում է կայացվել նաև այն մասին, որ Անկարայի տարբեր շրջաններում «Գյուլեն» կոչվող 7 պողոտաները և փողոցները կանվանափոխվեն «Հայրենիք», «Մահիկ», «Ալսանջաք», «Մայր հայրենիք», «Պայքար», «Դրոշ», «Քայը» (օղուզական ցեղերից մեկի անվանումն է, որից սերել է Օսմանյան կայսրության առաջին սուլթանը) փողոցների:
«Ձիթենու ճյուղ» անվանումն է ստացել այն ռազմական գործողությունը, որը Թուրքիայի զինված ուժերը սկսել են Սիրիայի Աֆրին շրջանում: Ահաբեկչական սպառնալիքից սեփական անվտանգությունն ապահովելու պատրվակով սկսված ռազմական գործողությունն իրականում ուղղված է Սիրիայի քրդական ուժերի դեմ:
Միացյալ Նահանգների հետ Թուրքիայի հակասությունները պայմանավորված են այն հանգամանքով, որ ամերիկյան կողմը հայտարարում է քուրդ զինյալներին ահաբեկչական սպառնալիք չհամարելու, նրանց աջակցելու մասին:
ՈՒՂԻՂ ԵԹԵՐ
Ամենադիտված 
Սոչի մեկնող ինքնաթիռը ճանապարհին անցկացրել է մեկ օր, սակայն տեղ չի հասել
